کہیں

دشت میں رہ کر چیتے کو خونخوار کہیں، کیا کہتے ہو

ماجد صدیقی ۔ غزل نمبر 20

زورآور کو ہم وجہِ آزار کہیں، کیا کہتے ہو

دشت میں رہ کر چیتے کو خونخوار کہیں، کیا کہتے ہو

بِن شعلوں کے جسموں جسموں جس کی آنچ سمائی ہے

بے آثار ہے جو، اُس نار کو نار کہیں، کیا کہتے ہو

بہرِ نمونہ کھال جہاں ادھڑی ہے کچھ کمزوروں کی

اُس دربار کو جَور کا ہم تہوار کہیں،کیا کہتے ہو

وہ بے گھر تو اِس رت جا کر اگلی رت لوٹ آتی ہیں

سکھ سپنوں کو ہم کونجوں کی ڈار کہیں، کیا کہتے ہو

یہ تو لہو کے چھینٹوں سے کچھ اور بھی نور بکھیرے گی

صبحِ ستم کو ماجد! شب آثار کہیں، کیا کہتے ہو

ماجد صدیقی

جون 2, 2009 0

ماجد صدیقی ۔ غزل نمبر 5

بفیضِ قرب پھریں مستیٔ نظر کی رُتیں

کبھی ملو کہ خیابانِ تن میں پھُول کِھلیں

یہی حجاب تو ہیں وجہِ خامشی، ورنہ

سُنیں تمہاری بھی، کچھ اپنے دل کی بات کہیں

یہ حرفِ گرم، تہِ حلق رُک گیا کیسا

سُلگ اُٹھی ہیں یہ کیونکر لب و زباں کی تہیں

کسی اُفق کو تو ہم تُم بھی دیں جنم آخر

یہ آسمان و زمیں بھی کسی جگہ تو ملیں

کبھی تو دیجئے آ کر اِنہیں بھی اِذنِ کشود

پڑی ہیں خوں میں جو گرہیں کسی طرح تو کھُلیں

یہ شُعلہ ہائے بدن اپنے سامنے پا کر

چراغ کیوں نہ لُہو کے بچشمِ شوق جلیں

وہ دِن بھی آئیں کہ بالطفِ دید ہم ماجدؔ

نظر کے حُسن سے باہم فضا میں رنگ بھریں

ماجد صدیقی

لگتا ہے یہ دل، تخت نشیں ہونے لگا ہے

ماجد صدیقی ۔ غزل نمبر 32

جب سے وُہ بدن، اپنے قریں ہونے لگا ہے

لگتا ہے یہ دل، تخت نشیں ہونے لگا ہے

وُہ پاس ہے جس دم سے، منوّر ہے نظر اور

آنگن ہے کہ خود، ماہِ مبیں ہونے لگا ہے

پھر دیکھ پرندوں کی اُڑانوں میں، ٹھٹھک ہے

کُچھ سانحہ، پھر زیرِ زمیں، ہونے لگا ہے

قشقہ ہے غلامی کا یہی، نام ہمارے

ظلمت کا عَلم، زیبِ جبیں ہونے لگا ہے

ماجدؔ ہو طلب، گرگ سے کیا، لُطف و کرم کی

سوچو تو بھلا، ایسا کہیں ہونے لگا ہے

ماجد صدیقی

جون 1, 2003 0

ماجد صدیقی

شاعرِ بے مثال ماجد صدیقی مرحوم ۔ شخصیت اور شاعری

ٹیگ

دشت میں رہ کر چیتے کو خونخوار کہیں، کیا کہتے ہو

کبھی ملو کہ خیابانِ تن میں پھُول کِھلیں

لگتا ہے یہ دل، تخت نشیں ہونے لگا ہے

شاعری