کٹ – ماجد صدیقی

ٹیگ

کٹ

لکھنے لگے تو لفظ قلم سے چمٹ گیا

ماجد صدیقی ۔ غزل نمبر 121

لائے زبان پر تو لبوں میں سمٹ گیا

لکھنے لگے تو لفظ قلم سے چمٹ گیا

طوفاں سے قبل جس پہ رہا برگِ سبز سا

چھُو کر وہ شاخ آج پرندہ پلٹ گیا

غافل ہمارے وار سے نکلا بس اِس قدر

پٹنے لگا تو سانپ چھڑی سے لپٹ گیا

جھپٹا تو جیسے ہم تھے سرنگوں کے درمیاں

دشمن ہماری رہ سے بظاہر تھا ہٹ گیا

ہوتا اُنہیں شکستِ تمنّا کا رنج کیا

بچّے کے ہاتھ میں تھا غبارہ سو پھٹ گیا

ماجدؔ خلا نورد وُہ سّچائیوں کا ہے

اپنی زمیں سے رابطہ جس کا ہو کٹ گیا

ماجد صدیقی

جون 2, 2007 0

دن تھے جو بُرے وہ کٹ رہے ہیں

ماجد صدیقی ۔ غزل نمبر 101

طوفان غموں کے چھٹ رہے ہیں

دن تھے جو بُرے وہ کٹ رہے ہیں

اُبھرے تھے نظر میں جو الاؤ

اک ایک وہ اب سمٹ رہے ہیں

اِدبار کے سائے جس قدر تھے

اُمید کی ضو سے گھٹ رہے ہیں

اب جاں کا محاذ پُرسکوں ہے

دشمن تھے جو سر پہ ہٹ رہے ہیں

چہروں سے اُڑے تھے رنگ جتنے

ماجدؔ! وہ سبھی پلٹ رہے ہیں

ماجد صدیقی

جون 2, 2007 0

چُوزے ہوں جیسے ماں کے پروں میں سمٹ گئے

ماجد صدیقی ۔ غزل نمبر 57

یوں لوگ اب کے جادۂ گرگاں سے ہٹ گئے

چُوزے ہوں جیسے ماں کے پروں میں سمٹ گئے

پنچھی شکار ہو کے نشیمن میں آ گرا

اور خواب، عافیت کے بدن سے چمٹ گئے

کھانے لگا فضا میں لہو ان کا بازیاں

بِلّی کے سامنے تھے کبوتر جو ڈٹ گئے

مجروح کب ہوئے ہیں نہتّوں سے اہلِ تیغ

کب یوں ہوا کہ دانت زبانوں سے کٹ گئے

جھاڑا نہیں کسی نے اِنہیں حادثہ یہ ہے

دل آئنے تھے گردِ زمانہ سے اٹ گئے

ماجد ہر آن جیسے اذّیت پہ ہوں تُلے

کانٹے لباس سے ہیں کچھ ایسے چمٹ گئے

ماجد صدیقی

جون 1, 2002 0

WordPress.com پر بلاگ.

Up ↑

ماجد صدیقی

شاعرِ بے مثال ماجد صدیقی مرحوم ۔ شخصیت اور شاعری

ٹیگ

کٹ

لکھنے لگے تو لفظ قلم سے چمٹ گیا

دن تھے جو بُرے وہ کٹ رہے ہیں

چُوزے ہوں جیسے ماں کے پروں میں سمٹ گئے

شاعری