کہرام

ٹیگ

جتنا ترا ہے؟ روشن کس کا نام ہُوا

ماجد صدیقی ۔ غزل نمبر 23

ماجد تجھ پہ خصوصی یہ انعام ہُوا

جتنا ترا ہے؟ روشن کس کا نام ہُوا

پیشِ نظر رہتا ہے ہمیشہ اُس کا بدن

وہ کہ جو تُندیٔ صہبا سے ہے جام ہُوا

جیسا ہوا ہم سے اُس کے دُور ہونے پر

ایسا کس کے بچھڑنے پر کُہرام ہُوا

قاتلِ محسن تک بھی جہاں برحق ٹھہرے

کون اُس دیس سا مفروضوں کا غلام ہُوا

حاکم جیسے تخت پہ اِک دن کو اتریں

سکّہ تک ہے اُن کے سبب سے چام ہُوا

جیسے بُھنے دانوں کا اُگنا ناممکن

اچّھے دنوں کا خواب خیالِ خام ہُوا

ماجد صدیقی

جون 3, 2013 0

وقت سمٹا تو ہمیں کام بہت یاد آئے

ماجد صدیقی ۔ غزل نمبر 45

ایک آغاز تھا انجام بہت یاد آئے

وقت سمٹا تو ہمیں کام بہت یاد آئے

کچھ تو ایسے تھے جنہیں بھول کے تسکین ملی

اور کچھ لوگ بہ ہر گام بہت یاد آئے

وہ نہ جو ٹوہ میں روزی کی نکل کر لوٹے

چہچہے اُن کے سرِشام بہت یاد آئے

مول جب اپنا پڑا شہر کے بازاروں میں

وہ جو یوسف کے لگے دام، بہت یاد آئے

خود ہی نکلے تھے نکالے نہ گئے جو اُس سے

کعبۂ دِل کو وہ اصنام بہت یاد آئے

دیکھ کر ندّیاں جذبوں کی اترتی ماجِد

تھے کبھی دل میں جو کہرام، بہت یاد آئے

ماجد صدیقی

جون 3, 2011 0

وقت سے پہلے خوشیوں کا اسقاط ہمارے نام لگا

ماجد صدیقی ۔ غزل نمبر 40

شاخِ شجر پر پھل پکنے کا ہر حیلہ ناکام لگا

وقت سے پہلے خوشیوں کا اسقاط ہمارے نام لگا

آنے والے وقت کے تیور اِس میں وہ پڑھ لیتا ہے

اب بھی شاہ کے ہاتھ میں ہے جو وہ جمشیدی جام لگا

ہم جس کی کوڑی لائے تھے ہم نے جو کچھ سوچا تھا

اس کا ہونا ہی کیونکر اب کے بھی خیال خام لگا

ضبط کے ہاتھوں پھٹی پھٹی لگتی تھیں جتنی آنکھیں تھیں

اور سکوت لبوں کا سینے سینے کا کہرام لگا

ا چّھی قدروں کو اپنانا بات گئے وقتوں کی ہے

آج تو جس میں بھی ہے اُس کو سفلہ پن انعام لگا

وقت نہ پھر ہاتھ آئے گا ایسا اے صاحبِ بینائی

بول کوئی بولی اور ہم سارے اندھوں کے دام لگا

ہم کہ پیادہ پیا ہیں ماجدؔ جانیں یہ احوال ہمِیں

کن کن حیلوں دن کا سورج جا کے کنارِ شام لگا

ماجد صدیقی

جون 3, 2011 0

ہے اگر مہلت تو کُچھ آرام کر

ماجد صدیقی ۔ غزل نمبر 25

کھینچتے ہر صبح کی مت شام کر

ہے اگر مہلت تو کُچھ آرام کر

اے کہ تُو چاہے کرے شیروں کو زیر

اولاً چڑیاں چمن کی رام کر

جس طرف تیرا گزر ہو اے کلرک!

اُس سڑک کی کُل ٹریفک جام کر

اے دلِ نادان!سب کچھ جاں پہ سہہ

مت مچا تُو شور،مت کُہرام کر

جو بھی دے ماجِد جنم وُہ ہے عظیم

ہو سکے تو دیس کو خوش نام کر

ماجد صدیقی

جون 3, 2011 0

پل پل ترسے آنکھ جِسے وُہ چاند کنارِ بام نہیں

ماجد صدیقی ۔ غزل نمبر 35

جگنو جگنو حرف نِکھارے روشن پھر بھی نام نہیں

پل پل ترسے آنکھ جِسے وُہ چاند کنارِ بام نہیں

پانی کی پھنکار یہی ہے تو کب خیر کناروں کی

دریا زور دکھائے گا یہ محض خیالِ خام نہیں

کس کسکے ہونٹوں پر پرکھیں روشن حرف دکھاوے کے

شہر میں ایسا کون ہے جس کی بغلوں میں اصنام نہیں

خوشوں ہی میں سحر ہے وُہ جو پر نہ مکّرر کُھلنے دے

فصلوں پر پھیلانے کو اب ہاتھ کسی کے دام نہیں

ایک سی چُپ ہر سمت ہے چاہے سانپ نگل لے چڑیا کو

کچھ ہو جائے ہونے کو برپا ہی کہیں کہرام نہیں

اَب وُہ دَور ہے برسوں جس میں اسکے سِکے چلتے ہیں

آج کے مشکیزوں میں ماجدؔپہلے جیسا چام نہیں

ماجد صدیقی

جون 2, 2010 0

وقت سے پہلے خوشیوں کا اسقاط ہمارے نام لگا

ماجد صدیقی ۔ غزل نمبر 24

شاخِ شجر پر پھل پکنے کا ہر حیلہ ناکام لگا

وقت سے پہلے خوشیوں کا اسقاط ہمارے نام لگا

آنے والے وقت کے تیور اِس میں وہ پڑھ لیتا ہے

اب بھی شاہ کے ہاتھ میں ہے جو وہ جمشیدی جام لگا

ہم جس کی کوڑی لائے تھے ہم نے جو کچھ سوچا تھا

اس کا ہونا ہی کیونکر اب کے بھی خیال خام لگا

ضبط کے ہاتھوں پھٹی پھٹی لگتی تھیں جتنی آنکھیں تھیں

اور سکوت لبوں کا سینے سینے کا کہرام لگا

ا چّھی قدروں کو اپنانا بات گئے وقتوں کی ہے

آج تو جس میں بھی ہے اُس کو سفلہ پن انعام لگا

وقت نہ پھر ہاتھ آئے گا ایسا اے صاحبِ بینائی

بول کوئی بولی اور ہم سارے اندھوں کے دام لگا

ہم کہ پیادہ پیا ہیں ماجدؔ جانیں یہ احوال ہمِیں

کن کن حیلوں دن کا سورج جا کے کنارِ شام لگا

ماجد صدیقی

جون 2, 2009 0

وہ شخص جِسے اب بھی مرا نام نہ آئے

ماجد صدیقی ۔ غزل نمبر 75

ڈرتا ہے کہ اُس پر کوئی الزام نہ آئے

وہ شخص جِسے اب بھی مرا نام نہ آئے

آنگن میں شبِ تار کی چیخیں ہیں یہ کیسی

ہے کون پرندہ جسے آرام نہ آئے

ہم خود ہی سمجھتے ہیں تصوّر میں کچھ ایسا

چندا تو کبھی چل کے سرِبام نہ آئے

اٹھا تھا جو ناؤکے الٹتے سرِ دریا

کانوں میں کہیں پھر وہی کہرام نہ آئے

فیضان بھی ایسا ہی عطا ہونا تھا ان سے

جو لوگ کہ لینے ہمیں دو گام نہ آئے

دیکھی تھی جو اس دل نے کسی موڑ پہ ماجدؔ

ایسی بھی کسی گھر میں کوئی شام نہ آئے

ماجد صدیقی

جون 2, 2007 0

مگر ماجدؔ یہ سکّہ چام سا ہے

ماجد صدیقی ۔ غزل نمبر 18

بظاہر تو وہ ہم سے رام سا ہے

مگر ماجدؔ یہ سکّہ چام سا ہے

چمن پر کس نے پھر شب خون مارا

بپا شاخوں میں پھر کہرام سا ہے

بچیں کیوں کر نہ اُس عیّار سے ہم

کہ جس کا دیکھنا بھی دام سا ہے

ہماری برتری یہ ہے کہ ہم پر

کسی کی چاہ کا الزام سا ہے

ہمیں کیا یاد رکھیں گے وہ جن کو

ہمارا نام بھی دشنام سا ہے

نکل کر حلقۂ دامِ ہوس سے

زیاں ہے گو مگر آرام سا ہے

ماجد صدیقی

جون 1, 2007 0

مُلک سے دُور، بہت دُور مِرا کام لگا

ماجد صدیقی ۔ غزل نمبر 72

مجُھ کو یہ کربِ مسافت بھی ہے، انعام لگا

مُلک سے دُور، بہت دُور مِرا کام لگا

صیدِ تخریب ہوا میں، تو ہُوا عدل یہی

پُرسشِ شاہ کا اعزاز، مِرے نام لگا

دیکھ کر قصر میں کوٹھوں سی سیاست، خود کو

مَیں کہ پختہ تھا عقیدے کا، بہت خام لگا

جب بھی دیکھا ہے تمنّاؤں کا یکجا ہونا

شام کے پیڑ پہ چڑیوں کا وُہ کہرام لگا

اُن کی جانب سے، کہ کھلیان ہیں جن کے ماجدؔ

مُجھ پہ خوشوں کے چرانے ہی کا، الزام لگا

ماجد صدیقی

جون 1, 2003 0

Create a free website or blog at WordPress.com.

Up ↑

ماجد صدیقی

شاعرِ بے مثال ماجد صدیقی مرحوم ۔ شخصیت اور شاعری

ٹیگ

کہرام

جتنا ترا ہے؟ روشن کس کا نام ہُوا

وقت سمٹا تو ہمیں کام بہت یاد آئے

وقت سے پہلے خوشیوں کا اسقاط ہمارے نام لگا

ہے اگر مہلت تو کُچھ آرام کر

پل پل ترسے آنکھ جِسے وُہ چاند کنارِ بام نہیں

وقت سے پہلے خوشیوں کا اسقاط ہمارے نام لگا

وہ شخص جِسے اب بھی مرا نام نہ آئے

مگر ماجدؔ یہ سکّہ چام سا ہے

مُلک سے دُور، بہت دُور مِرا کام لگا

شاعری