تلاش

ماجد صدیقی

شاعرِ بے مثال ماجد صدیقی مرحوم ۔ شخصیت اور شاعری

ٹیگ

روک

کیہ آکھن گے لوک

ماجد صدیقی (پنجابی کلام) ۔ غزل نمبر 59
ساڈی گل نہ ٹوک
کیہ آکھن گے لوک
اَیہہ اکھیاں اَیہہ دل
سودا روک بروک
مڑ مڑ پُچھاں کیہ
وگدی وا نوں روک
گوَلے کون بھلا
میں دُکھیے دی جھوک
دل کھِنگر بے نُور
اکھیں وسدی سوک
ماجدُ بَن سچیار
گل کرئیے دو ٹوک
ماجد صدیقی (پنجابی کلام)

اپنے پچھوں درد دی، لہر تے اُٹھدی روک وے

ماجد صدیقی (پنجابی کلام) ۔ غزل نمبر 32
ٹُر ٹُر جاون لاریاں، ٹُر ٹُر جاون لوک وے
اپنے پچھوں درد دی، لہر تے اُٹھدی روک وے
اُدھرے وی جے آونا، کلھیاں غم نہ کھاونا
پنڈ توں لہندے جاندیاں، راہ وچ ساڈی ڈھوک وے
کُجھ انہن وی کہن دے، دل دے سانویں بہن دے
بھخیاں سدھراں ٹھار نئیں، گل کرئیے دو ٹوک وے
مَیں سُتی یا جاگدی، اکو مرض وِراگ دی
اکو تیرے خیال دی، چبھدی اے پئی نوک وے
اوڑک دھرِیکاں پانودا، سولی تیک پُجاوندا
دل نوں ویلا دینوندا، اِنج ائی پہلاں چوک وے
کاہنوں جنڈری گالدائیں، لمے ویہن نی عشق دے
اکھیاں جیہے دریاں نوں وی، پے جاسی آسوک وے
جد وی گلیوں لنگھدائیں، کسے توں مول نہ سنگدائیں
ماجدُ توں نئیں جاندا، ایتھے ہور ائی لوک وے
ماجد صدیقی (پنجابی کلام)

WordPress.com پر بلاگ.

Up ↑