ہم سے بچھڑا تو پھر نہ آیا وُہ

ماجد صدیقی ۔ غزل نمبر 23

بن کے ابرِ رواں کا سایا وُہ

اُڑنے والا ہوا پہ خُوشبو سا

دیکھتے ہی لگا پرایا وُہ

جبر میں، لطف میں، تغافل میں

کیا ادا ہے نہ جس میں بھایا وُہ

جیسے پانی میں رنگ گھُل جائے

میرے خوابوں میں یُوں سمایا وُہ

مَیں کہ تھا اِک شجر تمّنا کا

برگ بن بن کے مجھ پہ چھایا وُہ

تیرتا ہے نظر میں شبنم سا

صبحدم نُور میں نہایا وُہ

آزمانے ہماری جاں ماجدؔ

کرب کیا کیا نہ ساتھ لایا وُہ

ماجد صدیقی

جون 1, 2007

اپنے خیالات کا اظہار کریں۔

Fill in your details below or click an icon to log in:

ای میل (ضروری) (Address never made public)

نام (ضروری)

ویب‌ سائٹ

آپ اپنے WordPress.com اکاؤنٹ کے ذریعے تبصرہ کر رہے ہیں۔ ( لاگ آؤٹ / تبدیل کریں )

آپ اپنے Facebook اکاؤنٹ کے ذریعے تبصرہ کر رہے ہیں۔ ( لاگ آؤٹ / تبدیل کریں )

Connecting to %s

%d bloggers like this:

ماجد صدیقی